سەرۆک بافڵ: پیرۆزباییەكی گەرم لە كرێكارانی كوردستان دەكەم

سەرۆک بافڵ جەلال تاڵەبانی بەبۆنەی رۆژی جیهانیی کرێکارانەوە پەیامێکی بڵاوکردەوە

دەقى پەیامەکە

بەبۆنەی رۆژى جیهانیى کرێکارانەوە، پیرۆزباییەكی گەرم لە كرێكارانی كوردستان دەكەم و هیوای سەلامەتی و ژیانێكی باشتریان بۆ دەخوازم.

كرێكارانی كوردستان رۆڵێكی گرنگ و كاریگەریان لە ئاوەدانكردنەوە و گەشەكردنی هەرێمی كوردستان گێڕاوە و پایەیەكی سەرەكیی كۆمەڵگەكەمانن بۆ بونیادنانی داهاتوویەكی گەشتر. ئێمە بە رێزەوە لە پێگە و هەوڵەكانیان دەڕوانین و دەستی ماندووبوونیان دەگووشین، هەروەها سڵاو بۆ رۆحی پاكی ئەو كرێكارانە دەنێرین كە لەكاتی كاردا گیانیان لەدەستداوە.

یەکێتیی نیشتمانیی کوردستان لەهەناوی کرێکاران و رەنجدەرانەوە گەشەی كرد، ئەو مێژووە پڕ لە سەروەری و قوربانیدانەی لەیادنەكردووە و خۆی بە بەشێك لەئێوەی سەربەرز دەزانێت. كاركردنیش بۆ بەدەستهێنانی ماف و باشتركردنی ژیان و گوزەرانتان بە ئەركی خۆی دەزانێت.

بافڵ جەلال تاڵەبانی
سەرۆکی یەکێتیی نیشتمانیی کوردستان