تەرمی چوار ئەندامی گروپێکى شاخەوانی دۆزرایەوە

سامان نادر بەرێوەبەری سەنتەری فریاکەوتنی سلێمانی راگەیاند: تەرمی چوار هاوڵاتی کە لە ناحیەی قەرەداغ کەوتونەتە ئاوەوە خنکاون و رەوانەی پزیشکی دادی سلێمانی دەکرێن.
بە گوێرەی زانیارییەکان ئەو چوار کەسە سەر بە گروپێکی شاخەوانی سلێمانی بون و ناوی گروپەکەیان سەگرمەیە و بەهۆی بارانی بەلێزمە و لافاوەوە لە سنوری ناحیەی قەرەداغ کەوتونەتە ئاوەوە و خنکاون.
تەرمی چوار شاخەوانەکە لەلایەن تیمەکانی بەرگری شارستانییەوە دۆزراونەتەوە و لە ئێستادا رەوانەی بنکەی پزیشکی دادی سلێمانی کراون.