ئەو داوەرە یارى ریاڵ و بایرن بەڕێوەدەبات کە یارى کۆتایی جامى جیهانى بەڕێوەبرد

سیمۆن مارچینیاکی پۆڵەندى وەک داوەرى یارى نێوان ریاڵ مەدرید و بایرن میونشین دیاریکرا بۆ رکابەرییەکانى قۆناغى پێش کۆتایی خولى یانە پاڵەوانەکانى ئەوروپا .
یەکێتى تۆپى پێى ئەوروپا ( یوفا ) بە شێوەیەکى ڕەسمى داوەرى یارى نێوان هەردوو یانەى ریاڵ مەدرید و بایرن میونشینى دەستیشانکرد لە خولى یانە پاڵەوانەکانى ئەوروپا ، ئەو ئەرکەش بە سیمۆن مارچینیاکی پۆڵەندى سپێردراوە ، ئەو داوەرە تاکو ئێستا لە  7  یارى ریاڵ مەدرید داوەرى کردوە و لە سێ یاریدا ریاڵ مەدرید شکستى هێناوە ، تەنها لە دوو یاریدا براوە بووە ، لە دوو یاریشیدا یەکسانبوونە ، هەرچى بایرن میونشینە سیمۆن تەنها لە 3 یاریدا یارى یانە ئەڵمانیەکەى بەڕێوەبردوە ، لە دوو یاریدا براوە بوونە و تەنها لەیەک یاریدا دۆڕاوە .
سیمۆن  مارچینیاکی پۆڵەندى ئەرکى بەڕێوەبردنى یارى کۆتایی جامى جیهانى قەتەرى پێ سپێردرا کاتێک ئەرژەنتین لەسەر حیسابی فەرەنسا بووە پاڵەوان .