شارەزایەكی بواری كهشوههواو ژینگە، ئەمڕۆ
دووشەممە رایگەیاند، پێدەچێت شەپۆلی خۆڵبارین بۆ چەند هەفتەیەكی تر بەردەوام بێت و
باسی لەوەشكرد كە پێویستە پلانی ستراتیژی دابنرێت بۆ رووبەڕوبوونەوەی گۆڕانكارییەكانی
ئاووهەوا.
د.شوكری حەسەن
راگەیاند: شەپۆلی خۆڵبارین هەروا بەردەوام دەبێت هەتا وشكەساڵی هەبێت كەئەوە بۆ
دوو وەرز دەچێت باران نەباریوەو روونیشیكردهوه، روودانی جۆرێك لە لەرینەوەی كەشوهەوا
كەلەدەرئەنجامی هاتنی تۆپەڵە هەوایەكی ساردی خوولگەییەوە دەبێت و جیاوازی لەپلەی گەرمای نێوان رووی زەوی و دەرەوەی
بەرگەهەوا دروستدەكات.
راشیگەیاند: هەر كاتێكیش گۆڕانكاری بەسەر جووڵانی
باو فشارەكانی كەشوهەوادا هات لەماوەی چەند هەفتەیەكدا تردا شەپۆلی خۆڵبارینەكەش كۆتاییان
دێت و رەنگە دووبارەش ببێتەوە ئەگەر بێتوو لەساڵانی داهاتووداشدا ووشكەساڵی هەروا
بەردەوام بێت، ئاماژەی بەوەشدا زۆربەی ئەو خۆڵانە دوو قەبارەیان هەیە 2.5مایكرۆن و
10 مایكرۆن، یەكەمیان هۆكارە بۆ دروستبوونی هەستیاری لە بۆریەكانی هەواو كۆئەندامی
هەناسەدان و توشبوون بەرەبو، دووەمیشیان هۆكار دەبێت بۆ دروستبوونی هەستیاری لەلووت
و چاوەكان.
جەختیشیكردەوە، پێویستە پلانی ستراتیژی دوورمەودا
دابنرێت لەوانە روواندنی دارودرەخت و دروستكردنی پشتێنەی سەوزایی لەسەرجەم ناوچەكان
و دەستگرتن بەئاوی عەمباركراوەو هەروەها چەندین رێكارو پلانی دیكەی پێویست كە ببێتە
هۆكار بۆ كەمكردنەوەی مەترسییەكانی شەپۆلەكانی خۆڵبارین.
Copyright © 2020 Kirkuk Tv All Rights Reserved Designed And Developed By AVESTA GROUP