له ویلایه‌تێكی ئه‌مریكا 18 خوێندكار كوژران
لە ویلایەتی تەكساس كەسێك دەستدڕێژی گوله‌ی لە
خوێندنگەیەكی سەرەتایی كرد و 18 خوێندكارو 3 كەسی دیكە لە خوێندنگاكەی كوشت.
لەو بارەیەوە دادوەر گرەیك ئەبوت لە كۆنگرەیەكی
رۆژنامەوانیدا رایگەیاند: تاوانبارەكە ناوی سلفادۆر رامۆسە و تەمەنی 18 ساڵە، لەكاتی
ئەنجامدانی تاوانەكەو روبەڕوبوونەوەی لەگەڵ پۆلیس، پاش برینداركردنی دوو ئەفسەر،
تاوانبار لەلایەن ئەفسەرێكی دیكەوە كوژرا.
هاوكات رولان جوتیریز ئەندامی ئەنجومەنی پیران
بە كەناڵی CNN راگەیاندووە: بە پێی داتاكانی هێزە ئەمنییەكان رێژەی كوژراوان دەگاتە
21 كەس كە 18 یان خوێندكارن.
وتیشی: ئەمە یەكەم جار نییە لە ئەمریكا رووداوی
لەوشێوەیە رووبدات، چەند رۆژێك پێش ئێستاش گەنجێكی دیكەی تەمەن 18 ساڵ لە بافلۆی نیویۆرك
هەڵیكوتایە سەر دوكانێكی میوە فرۆش و بە گوله 10 كەسی كوشت.
راشیگەیاند: تا ئێستا هۆكاری ئەنجامدانی ئەو
رووداوە روون نییە لێكۆڵینەوەكان لەوبارەیەوە بەردەوامن.
بڕیاریشه جۆ بایدن سه‌رۆكی ئه‌مریكا وتارێك ده‌رباره‌ی
رووداوه پێشكه‌ش بكات.
Copyright © 2020 Kirkuk Tv All Rights Reserved Designed And Developed By AVESTA GROUP