عیراق.. پاسه‌وانێكی په‌روه‌رده‌ی ره‌سافه‌ پرسیاری تاقیكردنه‌وه‌ی بیركاری دزه‌پێكردوه‌

عێراق
21:16 - 2022-06-10

عه‌لی دلێمی وه‌زیری په‌روه‌رده‌ی عێراق زانیاری نوێی له‌باره‌ی دزه‌پێكردنی پرسیاری تاقیكردنه‌وه‌كانی پۆلی سێی ناوه‌ندی (نۆی بنه‌ره‌تی) خسته‌ڕ و رایگه‌یاند، پرسیاره‌كانى تاقیكردنه‌وه‌كه‌ له‌لایه‌ن پاسه‌وانی بینای دووه‌می په‌روه‌رده‌ی ره‌سافه‌ی به‌غداوه‌ دزه‌پێكراوه‌.

راشیگه‌یاند، هه‌ندێك پێگه‌ی تۆره‌ كۆمه‌ڵایه‌تییه‌كان ئامانجێكی رونیان هه‌بوه‌ بۆ تێكه‌ڵكردنی دۆخی گشتی، به‌ بڵاوكردنه‌وه‌ی هه‌واڵه‌كان سه‌باره‌ت به‌ فرۆشتنی پرسیاره‌كانی تاقیكردنه‌وه‌ .

ئاماژه‌ی به‌وه‌شكرد، ئه‌وه‌ی له‌باره‌ی دزه‌كردنی پرسیاره‌كانی زمانی عه‌ره‌بی بڵاوكراوه‌ته‌وه‌ راست نه‌بوه‌.

سه‌باره‌ت به‌دزه‌كردنی پرسیاری تاقیكردنه‌وه‌ی بیركاریش، وه‌زیری په‌روه‌رده‌ ئاشكرایكرد، "كه‌مته‌رخه‌می هه‌بوه‌ له‌ لیژنه‌ی تاقیكردنه‌وه‌ لاوه‌كییه‌كان له‌ كه‌رتی په‌روه‌رده‌ی ئاماده‌یی ره‌سافه‌ .

وتیشی، "پاسه‌وانی باڵه‌خانه‌ی په‌روه‌رده‌ی ره‌سافه‌ توانیویه‌تی بگاته‌ شوێنی پرسیاره‌كان و بیانفرۆشێت و دزه‌یان پێبكات، له‌ئێستاشدا ده‌ستگیركراوه‌ و لێپرسینه‌وه‌ی له‌گه‌ڵدا ده‌كرێت .


بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP