تا ئێستا 105 هەزار تۆن گەنم لەجوتیارانی كەركوك وەرگیراوە و پڕۆسەی وەرگرتنی گەنمی جوتیارانیش درێژەی هەیە.
لەوبارەیەوە شەرەف ئەحمەد سەرۆكی ئەندازیاران لەسایلۆی كەركوك ڕايگه‌ياند: پڕۆسەی وەرگرتنی گەنمی جوتیاران درێژەی هەیە و وەزارەتی بازرگانی عیراق بۆ ئەمساڵ سێ ناوندی وەرگرتنی كردووەتەوە كەئەوانیش سایلۆكانی كەركوك، تازە، حەویجەن.
وتیشی: تائێستا 105 هەزار تۆن گەنم لەجوتیارانی كەركوك وەرگیراوە، بەسێ قۆناغ وەزارەتی بازرگانی عیراق 34 ملیار دیناری بۆ سایلۆی كەركوك خەرجكردووە.
وتیشی: پارەی گەنمەكە لەماوەی چەند رۆژێكدا بۆ جوتیاران خەرج دەكرێت، لەنوێترین هەنگاودا بۆ داهاتوو پێویست ناكات جوتیار نووسراوی بنكەكانی كشتوكاڵ بهێنێت لەكاتی رادەستكردنی گەنم بەسایلۆكان.
Copyright © 2020 Kirkuk Tv All Rights Reserved Designed And Developed By AVESTA GROUP