وه‌زاره‌تی به‌رگری ئۆكرانیا ئاماری زه‌ره‌ر و زیانه‌كانی سوپای ڕووسیای بڵاوكرده‌وه‌

وه‌زاره‌تی به‌رگریی ئۆكرانیا، ئاماری زه‌ره‌رو زیانه‌كانی سوپای ڕووسیای ،له‌ماوه‌ی 109 ڕۆژی جه‌نگدا بڵاوكرده‌وه‌.

له‌ڕاگه‌یه‌ندراوێكدا، وه‌زاره‌تی به‌رگری ئۆكرانیا ڕایگه‌یاندووه‌، له‌ماوه‌ی 109 ڕۆژی جه‌نگدا، له‌گه‌ڵ ڕووسیا توانیویانه‌ هه‌زار و 430  تانك و سێ هه‌زارو 484 زرێپۆش و 212 فڕۆكه‌ی جه‌نگیی و 178 هه‌لیكۆپته‌ر تێكبشكێنن.  له‌باره‌ی ژماره‌ی سه‌ربازه‌ كوژراوه‌كانی ڕووسیاش ئاشكرایكردووه‌، له‌سه‌ره‌تای ده‌ستپێكردنی جه‌نگه‌وه‌،  توانیویانه‌ 32 هه‌زارو 150 سه‌رباز بكوژن.  هه‌روه‌ك ڕوونیشیكردوه‌ته‌وه‌، سوپای ئۆكرانیا توانیویانه‌، 226 ئۆتۆمبێلی مووشه‌ك هاوێژو 715 تۆپهاوێژ تێكبشكێنن و 97 سیستمی دژه‌ فڕۆكه‌و 582 فڕۆكه‌ی بێفڕۆكه‌وان و 178 هێلیكۆپته‌ریشیان خستوه‌ته‌ خواره‌وه‌.