چوارچێوه‌ی هه‌ماهه‌نگی شیعە رایگەیاند، رێز له‌بڕیاره‌كه‌ی
موقته‌دا سه‌در رێبه‌ری ره‌وتی سه‌در بۆ ده‌ستله‌كاركێشانه‌وه‌ی ئه‌ندامه‌كانیان
له په‌رله‌مان ده‌گرن و هاوكات كارده‌كه‌ن بۆ پێكهێنانی حكومه‌تێكی نیشتمانیی.
دوای بڕیاره‌كه‌ی فراکسیۆنی رەوتی سەدر بۆ ده‌ستله‌كاركێشانه‌وه‌ی
به‌كۆمه‌ڵ له ئه‌نجومه‌نی نوێنه‌رانی عێراق له‌سه‌ر داوای موقته‌دا سه‌در رێبه‌ری
ره‌وته‌كه، ئێوارەی ئەمرۆ چوارچێوەی هەماهەنگی راگەیه‌ندراوێکی بڵاوکردەوە و جه‌ختیكردوه‌ته‌وه
كه"رێز لە بڕیاری دەستلەکارکێشانەوەی فراکسیۆنی سەدر دەگرن و کار دەکەن بۆ تەواوکردنی
بنەما دەستوورییەکان بەمەبەستی پێکهێنانی حکومەتێكی نوێ".
ئاماژەی بۆئەوەشکردووە، لەگەڵ هەموو لایەنەکان
کار دەکەن بۆ بەشدارییەکی فراوان لەپێناو بەدیهێنانی هیواکانی گەلی عێراق بۆ ئاسایش
و ئارامی.
ته‌ئكیدشیكردوه‌ته‌وه، لە هەنگاونان بە ئاراستەی
چارەسەری قەیرانی سیاسی و راشیگەیاندوە، لەگەڵ لایەنەکان گفتوگۆ دەکەن بۆ تەواوکردنی
بنەما دەستوورییەکان و پێکهێنانی حکومەت.
Copyright © 2020 Kirkuk Tv All Rights Reserved Designed And Developed By AVESTA GROUP