زه‌مینله‌رزه‌یه‌كی به‌هێز له‌ باشووری ئێرانی دا

به‌یانی ئه‌مڕۆ زه‌مینله‌رزه‌یه‌ك به‌گوڕی 5.7 به‌پێی پله‌ی رێخته‌ر له‌ باشووری ئێرانی داو  به‌ وته‌ی لایه‌نه‌ په‌یوه‌ندیداره‌كانی ئه‌و وڵاته‌ هیچ زیانێكی راسته‌وخۆی نه‌بوو.

له‌و باره‌یه‌وه‌، ناوەندی زه‌مینله‌رزانیی ئه‌وروپا و رۆژهه‌ڵاتی ناوه‌ڕاست، رایگه‌یاندوه‌، به‌یانی ئه‌مڕۆ 25ی حوزه‌یران زه‌مینله‌رزه‌یه‌ك به‌گوڕی 5.7 پلە له‌ باشووری ئێران روویداوه‌ كه‌ قوڵاییه‌كه‌ی 8 كیلۆمه‌تر له‌ژێر زه‌وییه‌وه‌ بووه‌.
 
ئه‌مه‌ له‌كاتێكدا، ڕۆژی 15ی ئه‌م مانگه‌ سێ زه‌مینلەرزە لە دورگەی كیش-ی ئێران رویان دا، کە لەلایەن دانیشتوانی ناوچە جیاوازەکانه‌وه‌ هەستیان پێکراوە.

سەنتەری ڕوپێوی جیۆلۆجی ئەمریکاش بڵاویكرده‌وه‌، دو زه‌مینله‌رزه‌ بە گوڕی 4.7 پلە به‌پێوه‌ری رێخته‌ر و 5.3 پله‌ لە دورگەکەكانی نزیک گەرووی هورمز رویانداوه‌.
  
سه‌باره‌ت به‌ زیانه‌كانش، ئاژانسی هەواڵی ئەسۆشییەتد پرێس، له‌زاری به‌رپرسانی ئێرانه‌وه‌ بڵاویکردوەته‌وە، زه‌مینله‌رزه‌كه‌ هیچ زیانێكی راسته‌وخۆی نه‌بوه‌.