بڕیاره‌ دووشه‌ممه‌ی داهاتوو په‌رله‌مانی كوردستان هه‌مواری یه‌كه‌می یاسای نه‌وت و گاز تاوتوێ بكات

بڕیاره‌ رۆژی دووشه‌ممه‌ی داهاتوو، په‌رله‌مانی كوردستان كۆببێته‌وه‌ و یه‌كێك له‌ ته‌وه‌ره‌كانیش، هه‌مواری یه‌كه‌می یاسای نه‌وت و گاز له‌ هه‌رێمی كوردستان ده‌بێت.  

به‌پێی ده‌قی راگه‌یه‌ندراوی سه‌رۆكایه‌تی په‌رله‌مان، رۆژی دووشه‌ممه‌ دانیشتنی په‌رله‌مانی كوردستان به‌ڕێوه‌ده‌چێت و تێدا له‌بڕگه‌ی یه‌كه‌مدا ده‌نگ له‌سه‌ر پێشنیازه‌یاسای (گه‌شتوگوزار له‌ هه‌رێمی كوردستان-عێراق)  ده‌درێت و هه‌روه‌ها خوێندنه‌وه‌ی دووه‌م بۆ چه‌ند پرۆژه‌ یاسایه‌ك ده‌كرێت كه‌ یه‌كێك له‌وانه‌، پڕۆژه‌یاسای (هه‌مواری یه‌كه‌می یاسای نه‌وت و گاز له‌ هه‌رێمی كوردستانه‌) هه‌وه‌رها خوێندنه‌وه‌ی دووه‌م بۆ پێشنیازه‌ یاسای به‌ركاركردنی یاسای فیدڕالی واژۆی ئه‌لیكتڕۆنی و مامه‌ڵه‌ی ئه‌لیكتڕۆنییه‌كان له‌ هه‌رێمی كوردستان ده‌كرێت.