عیراق.. یه‌ك ملیۆن بێ كار له‌ده‌رچوانی زانكۆو هاوڵاتیانی دیكه‌ تۆماركراون

زیاتر له‌ یه‌ك ملیۆن بێ كار له‌عیراق تۆماركراوه‌و به‌پێی چه‌ند ئامارێكیش ژماره‌یه‌كی زۆر بێكاری دیكه‌ هه‌یه‌و تائێستا تۆمارنه‌كراون.

له‌و روه‌وه‌ ڕائید جه‌بار باهز، به‌ڕێوه‌به‌ری گشتیی به‌ڕێوه‌به‌رایه‌تی كار و ڕاهێنان له‌ وه‌زاره‌تی كار و كاروباری كۆمه‌ڵایه‌تیی عێراق ڕایگه‌یاند، له‌ ماوه‌ی ڕابردوودا زیاتر له‌ یه‌ك ملیۆن بێكار له‌ ده‌رچووانی زانكۆ و هاوڵاتیانی دیكه‌ تۆماركراون جگه‌ له‌ هه‌رێمی كوردستان. 

وتیشی، كه‌رتی كار به‌ پله‌ی یه‌كه‌م به‌رپرسیارێتی وه‌زاره‌تی كار و كاروباری كۆمه‌ڵایه‌تیدایه‌ به‌و پێیه‌ی سه‌رجه‌م داتا و زانیارییه‌كانیان له‌ به‌رده‌سته‌ و وێڕای تۆماركردنی ملیۆنێك بێكار، ژماره‌یه‌كی زۆر بێكاری دیكه‌ش هه‌ن و تائێستا  له‌ وه‌زاره‌ته‌كه‌ تۆمار نه‌كراون.

داواشیكرد هه‌وڵه‌كان بخرێنه‌گه‌ڕ بۆ به‌رده‌ستخستنی هه‌لی كاری ڕاسته‌قینه‌ له‌ هه‌ردوو كه‌رتی حكومی و تایبه‌ت، ئه‌مه‌ وێرای چڕكردنه‌وه‌ی هه‌وڵه‌كان تا له‌ڕێگه‌ی پلانێكی نیشتمانییه‌وه‌ كار بۆ چاره‌سه‌ركردنی ئه‌و قه‌یرانه‌ بكرێت .