ژماره‌یه‌ك په‌رله‌مانتاری سه‌ربه‌خۆ به‌نیازن ده‌ستله‌كاربكێشنه‌وه‌

ژماره‌یه‌ك له‌ په‌رله‌مانتارانی سه‌ربه‌خۆ  به‌نیازن نامه‌ی ده‌ستله‌كاركێشانه‌وه‌ له‌ئه‌نجومه‌نی نوێنه‌ران پێشكه‌شبكه‌ن هۆكاره‌كه‌شی بۆ پێشهاته‌ سیاسیه‌كان ده‌گڕێننه‌وه‌

له‌و روه‌وه‌ عه‌لی ساعدی په‌رله‌مانتاری سه‌ربه‌خۆ و ئه‌ندامی لیژنه‌ی ئاسایش و به‌رگری ئه‌نجومه‌نی نوێنه‌ران رایگه‌یاند، ژماره‌یه‌ك په‌رله‌مانتاری سه‌ربه‌خۆ تاوتوێی پێشكه‌شكردنی ده‌ستله‌كاركێشانه‌وه‌یان ده‌كه‌ن به‌هۆی پێشهاته‌ سیاسییه‌كان و خواستی كوتله‌ سیاسییه‌كان بۆ دروستكردنی حكومه‌تێك به‌ به‌شداری هه‌مووان و په‌راوێزخستنی ڕۆڵی ئۆپۆزسیۆن.  

ئاماژه‌ی بۆ ئه‌وه‌شكردووه‌ به‌پێی بۆچونی ئه‌و په‌رله‌مانتارانه‌ ، هه‌نگاوی له‌و شێوه‌یه‌ ده‌بێته‌ هۆی دروستبوونی حكومه‌تێكی هاوشێوه‌ی حكومه‌ته‌كانی پێشوو كه‌ شكست ده‌هێنێت و به‌ڵێنه‌كان بۆ چاكسازی له‌ دۆخی سیاسی و كۆمه‌ڵایه‌تی و پێدانی ڕۆڵ به‌ ئۆپۆزسیۆنی په‌رله‌مانی  پێشێل ده‌كرێت  

  ئه‌و په‌رله‌مانتاره‌ ئه‌وه‌شی خستوه‌ته‌ڕوو په‌رله‌مانتارنی سه‌ربه‌خۆ په‌نا ده‌به‌نه‌ به‌ر ڕێكخستنی بنكه‌ی جه‌ماوه‌ریی وه‌ك ئاماده‌كارییه‌ك بۆ قۆناغی داهاتوو.