سلێمانی ـ گۆڕانكاریی له‌ پۆستی به‌ڕێوه‌به‌ری هاتوچۆدا كرا

هاتوچۆی سلێمانی ئاڵوگۆڕی پۆستی به‌ڕێوه‌به‌ری به‌ڕێوه‌به‌رایه‌تییه‌كه‌ی راگه‌یاند.

له‌ راگه‌یه‌نراوێكدا به‌ڕێوه‌به‌رایه‌تی هاتوچۆی پارێزگای سلێمانی رایگه‌یاندوه‌،  سه‌ر له‌به‌یانی ئه‌مڕۆ 5/7/2022 له‌ مه‌راسیمێكی ره‌سمیدا كه‌ له‌ چوارچێوه‌ی پرۆسه‌ی گۆڕانكاری له‌ پۆستی به‌ڕێوه‌به‌ری هاتووچۆی سلێمانی ڕێكخراو لیوای پۆلیس (خۆشه‌ویست جمال ئه‌حمه‌د) كه‌ به‌ڕێوه‌به‌ری هاتووچۆی سلێمانی بوو به‌وه‌كاله‌ت كۆتایی به‌ ماوه‌ی ئه‌ركه‌كه‌ی هات و له‌جێگای ئه‌و عه‌میدی هاتوچۆ (عومه‌ر نامق حه‌سه‌ن) وه‌ك به‌ڕێوه‌به‌ری هاتوچۆی پارێزگای سلێمانی به‌وه‌كاله‌ت ده‌ستبه‌كار بوو.