كۆمپانیای ئێس جی ئێس بواری خزمه‌تگوزاری پشكنینی نه‌وت كاره‌كانی له‌هه‌رێم راده‌گرێت

ئابوری
10:25 - 2022-07-15

كۆمپانیای ئێس جی ئێس بواری خزمه‌تگوزاری پشكنینی نه‌وت كاره‌كانی له‌ هه‌رێم راگرت، و له‌نامه‌یه‌كیشدا ده‌ڵێت له‌سه‌ر فه‌رمانی وه‌زاره‌تی نه‌وتی عێراق كاره‌كانیان له‌هه‌رێم راده‌گرن. 

له‌نامه‌ی كۆمپانیاكه‌دا هاتووه‌ ، به‌داخه‌وه‌ ئاگادارتان ده‌كه‌ینه‌وه‌ كه‌ له‌ وه‌زاره‌تی نه‌وتی عێراق فه‌رمانیان پێگه‌یشتووه‌ سه‌رجه‌م چالاكی و خزمه‌تگوزارییه‌كانیان له‌ كه‌رته‌كانی نه‌وت و غاز له‌ هه‌رێمی كوردستانی عێراق رابگرن
ئاماژه‌ی بۆ ئه‌وه‌شكردوه‌ به‌ پابه‌ندبوون به‌م فه‌رمانه‌، چیتر له‌ دۆخێكدا نین كه‌ داواكاری بۆ خزمه‌تگوزارییه‌ نوێیه‌كان وه‌ربگرن یان به‌شداری له‌ ته‌نده‌ری نوێدا بكه‌ن.  

كۆمپانیاكه‌ كه‌ گرێبه‌ستی له‌گه‌ڵ هه‌ریه‌ك له‌ كۆمپانیای دی ئێن ئۆ گنێل ئه‌نێرجی و پاركه‌ر درێلینگ دا هه‌یه‌، هه‌موو گرێبه‌سته‌كانی تا رۆژی ٢١ی ئه‌یلول كۆتایی پێده‌هێنێت و هیچ گرێبه‌ستێكی نوێ وه‌رناگرێت.



بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP