زیاتر له‌ 10 رۆژه‌ تۆپخانه‌كانی ئێران سنوری برادۆست بۆردومان ده‌كات

بۆ ١٣ هه‌مین رۆژ له‌سه‌ریه‌ك، تۆپخانه‌كانی كۆماری ئیسلامی ئێران سنوری برادۆستیان تۆپباران كرده‌وه‌، ئه‌وه‌ش وایكردووه‌ دانیشتووانی هه‌شت گوندی سنوره‌كه‌ نه‌توانن بگه‌ڕێنه‌وه‌ سه‌ر ماڵ و حاڵی خۆیان.
به‌یانی ئه‌مرۆ جارێكی دیكه‌ تۆپخانه‌كانی ئێران چه‌ند ناوچه‌یه‌كی دیكه‌ی سنوری برادۆستیان تۆپباران كردووه‌.
تۆپبارانه‌كانی ئێران ترس و دڵه‌ڕاوكێی خستووه‌ته‌ ناو خه‌ڵكه‌وه‌ و زیانی زۆریش به‌ر ره‌ز و باخی هاوڵاتیان كه‌تووه‌.
 له‌  ماوه‌ی ١٣ رۆژی رابردوودا، ئێران به‌ به‌رده‌وامی هه‌شت گوندی سنوری برادۆستی تۆپباران كردووه‌ كه‌ به‌و هۆیه‌وه‌ دانیشتوانی ئه‌و گوندانه‌ ئاواره‌بوون و  هاوكات نزیكه‌ی ٥٠٠ جوتیاری سنوره‌كه‌ش زیانی ماددیان پێگه‌یشتووه‌ و ناتوانن بچنه‌ سه‌ر كێڵگه‌ و زه‌وییه‌ كشتوكاڵییه‌كانیان، دوو خوێندنگه‌ش داخراون و  زیاتر له‌ ٥٠ خوێندكاریش له‌ خوێندن دابڕاون.