سەرۆكی نوێی پارتى سۆسیال دیموكراتەكانی ئەوروپا هەڵبژێردرا

کۆنگرەی PES لە بەرلین دوا نیوەڕۆی ئەمڕۆ هەینی ١٤/١٠/٢٠٢٢ بە ئامادەبوونی وەفدی یەكێتی نیشتیمانی كوردستان بەسەرۆكایەتی سەعدی ئەحمەد پیرە  ئەندامی مەکتەبی سیاسی یەكێتی نیشتیمانی كوردستان دەستیپێکرد، کە 30 ساڵ بەسەر دامەزراندنی وەک پارتێکی سیاسی ئەوروپا تێدەپەڕێت ، سۆسیالیستەکان لە ٥٠ حیزب و دەیان ڕێکخراوی چەپ کۆدەبنەوە بۆ پێشنیارکردنی کارنامەیەکی پێشکەوتنخوازی نوێ بۆ ئەوروپا  لە قەیراندا و ڕووبەڕووی گۆڕانکاری قووڵ دەبنەوە.

سێرگی ستانیشێڤ سەرۆكی حكومەتی پێشووی بولغاریا و PES دوای 11 ساڵ لە سەرکردایەتی سۆسیالیستەکانی ئەوروپا، ئەمڕۆ ئەركەكەی  ڕادەستی ستیفان لوین، سەرۆکی پێشووی سۆسیال دیموکراتەکانی سوید و سەرۆکوەزیرانی سوید کرد.


 دواتر ڕایگەیاند پێویستە شانازی بە دەستکەوتەکانمانەوە بکەین بەڵام سیاسەت هەمیشە گفتوگۆیە بۆ داهاتوو.  دوو هەست و سۆز هەیە کە ژیان و سیاسەت دەباتە پێشەوە - ترس و هیوا ، ترس چەکی ڕاست و پۆپۆلیستەکانە کە وەهمی "ڕۆژانی باشی کۆن" دەفرۆشن.  وە هیوا لە DNA ی ئێمەدا کۆد کراوە و ئەوە خێزانی سیاسی ئێمەیە کە بانگ کراوە ژیان بۆ هەمووان بگۆڕێت نەک تەنها چەند کەسێکی هەڵبژێردراو.


 هەروەها رایگەیاند نابێت هەرگیز لەبیرمان بچێت کە یەکێتی ئەوروپا پڕۆژەی ئاشتییه‌ زۆر قسە لەسەر سەرکەوتنی سەربازی و زۆر کەم لەسەر بڕیاری سیاسی بۆ وەستاندنی ئەم شێتییە بێگومان قورس دەبێت بەڵام ئاشتی شایەنی هەموو هەوڵێکە.

 لە كۆتاییدا رایگەیاند سوپاسی تیمی PES دەکەم بۆ ماندووبوونیان، هەروەها سوپاسی لایەنە چەپەکان و سەرجەم نوێنەرەکانیان لەسەر ئاستی نیشتمانی و ئەوروپا، کە هەوڵەکانیان وایکردووە بنەماڵەی سیاسی چەپ بەهێزتر بێت.


دەرباز ستار /بەرلین - ئەڵمانیا