هۆكاری هه‌ڵپه‌ساردنی گه‌ڕاندنه‌وه‌ی عیراقییه‌كانی كامپی هۆل ئاشكراده‌كرێت

ئیڤان فایه‌ق، وه‌زیری كۆچ و كۆچبه‌رانیی عیراق، له‌میانه‌ی میوانداریكردنی له‌لایه‌ن لیژنه‌ی ئاسایش و به‌رگریی ئه‌نجومه‌نی نوێنه‌رانی عێراق هۆكاره‌كانی هه‌ڵپه‌ساردنی گه‌ڕاندنه‌وه‌ی عێراقییه‌كانی كامپی هۆل ئاشكراكردو ڕایگه‌یاند: وه‌زاره‌ته‌كه‌ی به‌رده‌وامه‌ له‌جێبه‌جێكردنی ئه‌و بڕیاره‌ تا ئه‌وكاته‌ی شێوازێكی گونجاو بۆ گه‌ڕاندنه‌وه‌یان ده‌دۆزێته‌وه‌، له‌گه‌ڵ ئاماده‌سازیی دۆخی گونجاو و دابه‌شكردنی ئه‌ركه‌كان له‌گه‌ڵ لایه‌نه‌ په‌یوه‌ندیداره‌كان، هه‌ریه‌كه‌ش به‌پێی تایبه‌تمه‌ندیی خۆی.
ئیڤان فایه‌ق دووپاتیشیكرده‌وه‌، پرۆسه‌ی وردبینیی ئه‌منیی عێراقییه‌ ئاواره‌بووه‌كان ته‌نها له‌ڕێی داموده‌زگا ئه‌منییه‌كانه‌وه‌ ده‌بێت.
كامپی هۆل ده‌كه‌وێته‌ ڕۆژئاوای كوردستان و له‌ژێر چاودێری  هێزه‌كانی سوریای دیموكراته‌و ژن و منداڵی  خێزانی چه‌كدارانی داعش و ژماره‌یه‌ك له‌ئاواره‌ عێراقی و سورییه‌كان له‌خۆده‌گرێت.