بهپێی پێشبینییهكانی کەشناسی هەرێم و عێراق، رۆژانی سێشەممەو چوارشەممە شەپۆلێکی بارانبارین و بهفر تهواوی ناوچهكانی هەرێمی کوردستان و عێراق دهگرێتەوە.
له راگەیەنراوێکدا كه ئهمڕۆ 28-11-2022 بڵاویكردووهتهوه، کەشناسی ههرێمی كوردستان ئاماژهی بۆئهوهكردوه كه، لەئەنجامی کاریگەری هەردوو نزمە پەستانی دەریای سوور و ناوەڕاست، شەپۆلێکی بارانبارین تەواوی ناوچەکانی هەرێمی کوردستان دەگرێتەوە.
ئاماژهی بۆئهوهشكردوه كه، سەرەتا رۆژی سێشەممە لەکاتەکانی ئێوارە لە ناوچەکانی رۆژئاوای هەرێم دابارین بەشێوەی تاوەباران و بروسکە دەست پێدەکات پاشان نمە باران زۆربەی ناوچە شاخاوییەکان دەگرێتەوە، بۆ رۆژی چوارشەممە کاریگەری شەپۆلەکە زیاتر دەبێت بەجۆریک سەرتاسەری ناوچەکان دەگرێتەوە، دابارین بەشێوەی نمە بارانی بەردەوام دەبێت و بەفر لەناوچە شاخاوییەکان بەتایبەتی ناوچە سنوورییەکان دەبارێت.
باسی لهوهشكردوه، لەناوچەکانی باشووری هەرێم و سەنتەری شاری هەولێر ئەگەری لێزمە باران و بروسکە هەیە.
ئهوهشیخستووهتهڕو كه، رێژەی دابارین زیاتر کاریگەری لە ناوچەکانی بادینان دەبێت و بۆ زانیاری زیاترش لەڕاپۆرتەکانی داهاتوویان ئاماژەی پێدەکەین.
كهشناسی راشیگهیاندوه، پلەکانی گەرما بۆ رۆژی چوارشەممە دادەبەزێت بە (4-5) پلەو هەروەها خێرایی (با) چالاک دەبێت بۆ 40 کم/س ئاراستە باشووری خۆرهەڵات .
هاوكات، دهستهی كهشناسی و بومهلهرزانی عێراق رایگهیاندوه كه، بهپێی پیچشبنییهكانیان، له سبهینێوه لهگهڵ بهرزبونهوهی پلهكانی گهرما، بارانبارینش پارێزگاكانی عێراق دهگرێتهوه.
Copyright © 2020 Kirkuk Tv All Rights Reserved Designed And Developed By AVESTA GROUP