ئاسایشی سلێمانی ده‌ستبه‌سه‌ر سه‌دان پارچه‌ چه‌كی قاچاخدا ده‌گرێت

کوردستان
19:59 - 2022-11-29



هێزه‌كانی ئاسایشی سلێمانی، وردەکاری ھەوڵێکی قاچاخچێتی گەورەی چەک لە سنووری سلێمانی ئاشکراكرد کە مەرامیان بوو بە نایاسایی ئه‌و چه‌كانه‌ ساغ بکەنەوە .
 
له‌ راگه‌یه‌ندراوێكدا بەڕێوەبەرایەتیی ئاسایشی پارێزگای سلێمانی، ئاماژه‌ی بۆئه‌وه‌شكردوه‌ كه‌، له‌ دوو هه‌ڵمه‌تی جیادا ده‌ستیانگرتوه‌ به‌سه‌ر سه‌دان چه‌ك له‌ جۆری كڵاشینكۆف و ده‌مانچه‌و هه‌روه‌ها هه‌زاران فیشه‌ك، کە ئامادەکرابوو بە قاچاخ مامەڵەی پێوەبکرێت .

ده‌قی راگه‌یه‌ندراوه‌كه‌:
ئاسایشی سلێمانی لەدوو ھەڵمەتی جیادا دەستی گرت بەسەر (٦٠٠ پارچەچەک لەجۆری کڵاشینکۆف ، دەمانچە  و زیاتر لە ٦٠٠٠ ھەزار فیشەک )  ھێزەکانیشمان وردەکاری ھەوڵێکی قاچاخچێتی گەورەی چەک لە سنوری سلێمانی ئاشکرادەکات کە مەرامیان بوو بە نایاسایی ساغی بکەنەوە .

رۆژی پێنج شەممە ٢٤ / ١١ / ٢٠٢٢ لە بازگەی سلێمانی - عەربەت گومانلێکراوێک لەکاتی لێپێچینەوەو جێبەجێکردنی رێکاری یاسایی بەرامبەری ,  خاڵی پشکنین دەبەزێنێت و دوای ئەوەی ھەڵدێت ئۆتۆمبێلەکەی لە رێڕەو دەردەچێت وەردەگەڕێت دواتر دەستگیرکراو دوای پشکنین دەرکەوت لەناو ئۆتۆمبێلی تۆمەتبارەکە  بارێکی چەکی پێبووە کە پێکھاتبوو لە زیاتر ( ٢٥٠ ) دووسەدوپەنجا دەمانچە.

دوای رەزامەندی بەڕێز دادوەر لەسەر ئەم کەیسە لێکۆڵینەوەی ورد دەستی پێکرد و زانیاری زیاتر بەدەست ھات لەسەر کۆگایەکی نھێنی کە سەدان چەک و ھەزاران فیشەک و پێویستی و پارچەی یەدەکی چەکی تێدا حەشاردراوە .

لە ئۆپراسیۆنێکدا بەھاوکاری ھێزەکانی ئاسایشی رۆژئاوای سلێمانی لە ناحیەی تەکێ سەر بەقەزای چەمچەماڵ لە کێڵگەیەکی ئاژەڵداریدا  ( کایەندا )  بارێکی تری چەکی ھەمان قاچاخچی دەستیبەسەردا گیرا  کە پێکھاتبوو لە زیاتر  ( ٣٠٠ کڵاشینکۆف  و دەمانچە ، ٥٠٠٠ ھەزار فیشەک و دەیان جۆر لە پێویستی و پارچەی یەدەکی چەک  )  کە ئامادەکرابوو  بە قاچاخ مامەڵەی پێوەبکرێت .
تەواوی کەیسەکەش رووبەڕووی دادگا کرایەوە بۆ رێوشوێنی یاسایی پێویست . 

بەڕێوەبەرایەتی ئاسایشی پارێزگای سلێمانی

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP