ئیسرائیل بۆردومانی به‌یروت و ئه‌مریكا و بەریتانیاش یه‌مه‌ن ده‌كه‌نه‌ ئامانج

شەوی رابردوو سوپای ئیسرائیل جارێكی دیكه‌ چه‌ند ناوچه‌یه‌كی باشوری به‌یروتی به‌چڕی بۆردومانكرده‌وه‌و هاوكات، فڕۆكه‌كانی ئه‌مریكا و بریتانیاش فڕۆكه‌خانه‌ی سه‌نعای پایته‌ختی یه‌مه‌نیان كرده‌ ئامانج.
ئاژانسی هه‌واڵی نیشتیمانی لوبنان بڵاویكرده‌وه‌، فڕۆكه‌ی ئیسرائیل چه‌ند بۆردومانێكیان ده‌ستپێكردووه‌، له‌نێویاندا چوار بۆردومان بۆ سه‌ر كۆمه‌ڵگه‌یه‌كی نیشته‌جێبوون له‌ ده‌وروبه‌ری گه‌ڕه‌كی زاحیه‌ له‌ باشوری به‌یروت، به‌جۆرێك بۆردومانه‌كه‌ ته‌واوی كۆمه‌ڵگه‌كه‌ی له‌ناوبردوه‌و تا ئێستاش زه‌ره‌رو زیانه‌كان به‌وردی دیارینه‌كراون".
له‌لایه‌كی دیكه‌شه‌وه‌ هه‌ریه‌ك له‌ ئه‌مریكاو بریتانیا به‌هاوبه‌شی فڕۆكه‌خانه‌ی حه‌دیده‌یان له‌ سه‌نعای پایته‌ختی یه‌مه‌ن به‌ئامانجی هێرشكردنه‌ سه‌ر حوسیه‌كان بۆردومانكردو تا ئێستاش زه‌ره‌ر و زیانه‌كان نه‌زانراون، به‌ڵام له‌گه‌ڵ بۆردومانه‌كان ئاگری گه‌وره‌ له‌ فڕۆكه‌خانه‌كه‌ به‌رزبووەته‌وه‌.