سەرۆک وەزیرانی عیراق گەیشتە هەرێمی کوردستان

محەمەد شیاع سودانی سەرۆك وەزیرانی عیراق گەیشتە شاری هەولێر و بڕیارە لەسەردانەکەیدا تاوتوێی پرسی موچە و بودجەو سەرژمیری گشتی و  هەناردەکردنی نەوت و کێشە چارەسەرنەکراوەکانی دیکەی نێوان هەولێر و بەغدا بکات.
سەرۆک وەزیرانی عیراق جگە لەوەی لەگەڵ لێپرسراوانی حکومی کۆبوونەوەی دەبێت، بڕیارە سەردانی سلێمانیش بکات و لەگەڵ بافڵ جەلال تاڵەبانی سەرۆکی یەکێتیی نیشتمانیی کوردستان کۆببێتەوە.
بەپێی زانیارییەکان تەوەری سەردانەکەی سەرۆکوەزیران، پەیوەستە بە گفتوگۆکردن لەبارەی بابەتە سەرەکییە سیاسیی و حکومییەکانی نێوان هەولێر و بەغدا بەتایبەتی پرسی هەناردەکردنەوەی نەوت و  کێشەی بودجە و مووچەو  سەرژمێری گشتی عیراق و چەند تەوەرێکی دیکە.