ئاماری رێژەی سەرژمێری عیراق و هەرێم بڵاودەكرێتەوە

دوای 48 سەعات لەتەواوبوونی پڕۆسەی سەرژمێری، ئەنجامی رەسمی سەرەتایی سەرژمێری گشتی عیراق بڵاودەكرێتەوە، هاوكات میدیای رەسمی عیراقیش ئاماری رێژەی سەرژمێری لەسەر ئاستی عیراق و هەرێم بڵاوكردەوەو بەپێی ئامارەكەش تاوەكو ئێستا بەرزترین رێژە لەواستە كە 98.68% ەو  نزمترین رێژەش لەبەغدایە كە 80.48% ەو پڕۆسەكەش بەردەوامە.

میدیای رەسمی عیراقی بڵاویكردەوە، بڕیارە دوای 48 سەعات لەتەواوبوونی پڕۆسەی سەرژمێری، وەزارەتی پلاندانان ئەنجامی رەسمی سەرەتایی سەرژمێری گشتی عیراق بڵاو بكاتەوەو بەرزترین رێژەش لەسەر ئاستی عیراق و هەرێمی كوردستان جیابكەنەوە.

هاوكات هەر ئەمڕۆ 22-11-2024، كەسێیەم رۆژی پڕۆسەی سەرژمێری گشتیی عیراقە، میدیای رەسمی عیراقی ئاماری رێژەی سەرژمێری لەسەر ئاستی عیراق و هەرێمی كوردستان بڵاوكردەوە.

بەگوێرەی  ئامارەكە رێژەی سەرژمێری لەسەر ئاستی عیراق و هەرێمی كوردستان بەم شێوەیەیە:

بەغدا 80.48%
نەینەوا 98.60%
هەولێر 96.31%
سلێمانی 94.76%
بەسرە 89.85%
بابل 94.78%
دیالە 98.10%
زیقار 86.84%
نەجەف 92.27%
كەركوك 97.74%
ئەنبار 95.99%
سەڵاحەدین 98.16%
كەربەلا 95.81%
واست 98.68%
دیوانیە 95.33%
دهۆك 95.25%
میسان 91.23%
موسەنا 94.73%

دوای نزیكەی 40 ساڵ، رۆژی 2024-11-20 پڕۆسەی سەرژمێری گشتی لەعیراق و هەرێمی كوردستان دەستیپێكردو تاوەكو ئەمڕۆ 22-11-2024، پڕۆسەكە بەردەوامە، بۆ ئەو مەبەستەش قەدەغەی هاتووچۆ لەسەرجەم ناوچەكانی عیراق و هەرێم تا سەعات 12:00 شەوی 21 لەسەر 22ی11  راگەیەنراوەو هاووڵاتیان پابەندكران لەكاتی سەردانیكردنی بژمێرەكان بۆ ماڵەكانیان ئامادەییان هەبێت و وەڵامی پرسیارەكانیان بدەنەوە، بەڵام ئەمڕۆ كە سێیەم رۆژی سەرژمێرییە قەدەغەی هاتوچۆ لە ناو سەنتەری پارێزگاكان هەڵگیرا، بەڵام پڕۆسەكە بەردەوام بێت.