سبەی لە گەرمیان نموونەی خوێن لە کەسوکاری ئەنفالکراوان وەردەگیرێت

وەزارەتی شەهیدان لە هەرێمی کوردستان، ئاگاداری کەسوکاری ئەنفالکراوان و ئەو خێزانانە دەکاتەوە کە لە سەردەمی “رژێمی بەعس”، ئەندامێکی خێزانەکەیان بێ سەرو شوێن کراوە، نموونەی خوێن-یان لێ وەردەگیرێ.
تیمی نیشتیمانی گۆڕە بە کۆمەڵەکان کە لە پەیمانگای پزیشکی دادیی بەغدا و فەرمانگەی گۆڕە بەکۆمەڵەکانی دەزگای شەهیدانی عێراق، دەست بە هەڵمەتی کۆکردنەوەی زانیاری و وەرگرتنی نمونەی خوێن لە کەسوکاری ئەنفال و بێسەوشوێنبووان دەکەن.
لە بڵاوکراوەیەکدا وەزارەتی شەهیدان و کاروباری ئەنفالکراوانی حکومەتی هەرێمی کوردستان دەڵێت، هەڵمەتەکە لە ئیدارەی سەربەخۆی گەرمیان “کەلار” و  لە ناحیەی رزگاری و بە دیاریکراوی لە کتێبخانەی گشتی رزگاری دەبێت و پێویستە کەسوکاری ئەنفالکراوان کارتی نیشتیمانی یەکگرتوو و یان ناسنامەی باری کەسییان پێ بێت و بچنە لای تیمەکان، تا نموونەی خوینیان بۆ پشکنینی (دی ئێن ئەی) لێ وەربگیرێت.