لە قەزای حەویجە دەست بەسەر ژمارەیەك موشەكی داعشدا گیرا

لە گوندێكی قەزای حەویجە دەست بەسەر ژمارەیەك موشەك و پشتێنەی تەقینەوەی داعشدا گیرا.
میدیا عێراقییەكان بڵاویانكردەوە؛ لەسەر بنەمای زانیاریی هەواڵگری دروست، لە گوندی عەریشەی سەر بەقەزای حەویجە، هێزێکی لیوای (61)ـی سەر بە فەرماندەیی ئۆپەراسیۆنەکانی باکور و رۆژهەڵاتی دیجلە توانیویانە لە باشوری رۆژئاوای پارێزگای کەرکوک، دەست بەسەر موشەک و پشتێنەی تەقینەوەی رێكخراوی"داعش"ـدا بگرن.

میدیاکان دەڵێن، هێزە عێراقییەكە دەستیان بەسەر ژمارەیەک موشەکی کاتیۆشا و پشتێنەی تەقینەوەدا گرتووە خاوەندارێتیان بۆ رێكخراوی تیرۆریستی داعش دەگەڕێتەوە.
ئاماژەیان بەوەشکردووە، هەموو ئەو موشەک و ئامێرانەی دەستیان بەسەردا گیراوە، لەلایەن تیمە تایبەتەکانی فەرماندەی ئۆپراسیۆنەكانەوە مامەڵەیان لەگەڵدا کراوە، دڵنیابونەتەوە لە سەلامەتی هاوڵاتییان و پارێزگاری كردن لە ئاسایشی ناوچەکە.