وادەی هاتنی شەپۆلێکی نوێی باران راگەیەندرا

دەستەی کەشناسی پێشبینی دەکات لەم هەفتەیەدا شەپۆلێکی بەفر و باران هەموو هەرێمی کوردستان بگرێتەوە و پلەی گەرماش داببەزێت.
دەستەی کەشناسی و بومەلەرزەزانیی عێراق راگەیاند: لە رۆژی یەکشەممەوە عێراق دەکەوێتە ژێرکاریگەریی نزمەپاڵەپەستۆی بەشی رۆژهەڵاتی دەریای ناوەڕاست و باران زۆرینەی ناوچەکان دەگرێتەوە.
دەستەکە ڕایشیدەگەیەنێت: لە هەندێک ناوچەی عێراق خێرایی با زیاددەکات و ئەگەری تۆز و خۆڵیش هەیە، بە شێوەیەک لە هەندێک جێگە مەودای بینین بۆ یەک کیلۆمەتر کەمدەبێتەوە.
هاوکات شارەزایانی بواری کەشناسی پێشبینی دەکەن، رۆژی 25ی مانگ بارستە هەوایەکی سارد روو لە هەرێمی کوردستان بکات و پلەی گەرما لە هەموو ناوچەکاندا نزیکەی 11 پلە داببەزێت، بە جۆرێک لە هەندێک شوێن بە رۆژدا لە خوار 6 پلەی سیلیزی و لە شەویشدا بۆ چەند پلەیەکی خوار سفری سیلیزی داببەزێت.