پرسەنامەی قوباد تاڵەبانی بۆ کۆچی دوایی هونەرمەند زاهیر عەبدوڵا

قوباد تاڵەبانی، لێپرسراوی مەکتەبی سکرتارییەتی سەرۆک مام جەلال پرسەنامەیەکی ئاڕاستەی خێزانی هونەرمەند زاهیر عەبدوڵا کرد و ڕایگەیاند: زۆر بەداخەوە هەواڵى کۆچی دوایی هونەرمەند (زاهیر عەبدوڵا)م بیست، هاوبەشی خەمتانم و پرسەو سەرەخۆشی لەبنەماڵە دڵسۆزەکەتان و هەموو هونەرمەندانی کوردستان ئەکەم .
ئاماژەی بەوەشکرد: کۆچکردوو زاهیر عەبدوڵا هونەرمەندێکی بە ئەزموون و ئەکتەرێکی دیاری کوردستان بوو کە جێ دەستی بە بوارەکانی شانۆگەریی و دراما و فیلمی سینەمایی و چیرۆکی تەمسیلیەوە بەڕوونی دیارە، خواى گەورە لێی خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت.