هیومان رایتس وۆچ نیگەرانە لە بەئامانجگرتنی هاوڵاتیانی مەدەنی لە شەڕەکان

هیومان رایتس وۆچ رایگەیاند، هاوڵاتییانی مەدەنی لە باکووری سووریا لەلایەن هێزەکانی حکومەت و چەکدارانی ئۆپۆزسیۆنەوە رووبەڕووی پێشێلکاریی راستەقینە دەبنەوە، ئەمەشیان بە توندترین پێشێلکاریی لە ماوەی شەڕدا لە سووریا ناوبرد.
رێکخراوەکە لە راگەیەندراوێکدا داوا لە هەموو لایەنەکان دەکات، بەگوێرەی یاسا مرۆیی و نێودەوڵەتییەکان و یاساکانی مافی مرۆڤیش، پابەندبن بە ئەرکەکانیانەوە، لەوانە؛ ئاراستەکردنی هێرشەکان تەنیا دژ بە ئامانجە سەربازییەکان و  گرتنەبەری رێوشوێنەکانی خۆپارێزیی و دوورکەوتنەوە لە کەوتنەوەی قوربانیی مەدەنی و رێگەدان بە هەڵاتنی هاوڵاتیی مەدەنی لە شەڕەکان.