سەرۆک بافڵ جەلال تاڵەبانی پەیامێکی هاوخەمی بۆ کۆچی دوایی مامۆستا مەلا محەمەد شەڵماشی بڵاودکردەوە

سەرۆک بافڵ جەلال تاڵەبانی، بۆ کۆچیدوایی مامۆستا "محەمەدی شەڵماشی" کەسایەتیی نیشتمانپەروەرو زانای ئاینی،   پرسەنامەیەکی ئاڕاستەی خانەوادەکەی دەکات و رایدەگەیەنێت؛ کۆچی دوایی مامۆستا مەلا محەمەدی شەڵماشی، زانا و نووسەری دیاری کورد لە دڵەوە نیگەرانیكردین.

دەقی پرسەنامەکە..

‎کۆچی دوایی مامۆستا مەلا محەمەدی شەڵماشی، زانا و نووسەری دیاری کورد لە دڵەوە نیگەرانیكردین.
‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی كەسوكار و بنەماڵە سەربەرزەكەی دەكەم كە رۆڵێكی كارگەریان لە بزووتنەوەی سیاسی و رووناكبیریی كوردستان گێڕاوە و مایەی شانازیی هەموومانن.
مامۆستا مەلا محەمەد شەڵماشی زانایاكی پایەبەرز، نووسەرێكی لێهاتوو و وەرگێڕێكی شارەزا بوو. هەوڵ و بەرهەمەكانی بۆ هەمیشە لە یادەوەریماندا دەمێنێتەوە و لەیادی ناكەین.
‎خوای گەورە مامۆستای پایەبەرزمان بە بەهەشتی بەرین شادبکات و سەبووری بەهەموولایەک ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان