روانگەی سوری: هەسەدە لەپێشڕەویدایەوچەندین ناوچەیان لە دەوروبەری حەلەب کۆنترۆڵ کردووە

هێزەکانی سوریای دیموکرات لە پێشڕەویدان و توانیویانە چەندین ناوچە لە دەوروبەری شاری حەلەب کۆنترۆڵ بکەن، لەنێویشیاندا وێستگەیەکی سەرچاوەی گرنگی دابینکردنی ئاو بۆ شارەکە.
روانگەی سوریی بۆ مافەکانی مرۆڤ بڵاویکردەوە: هێزەکانی سوریای دیموکرات - دوای روبەڕوبونەوەیان لەگەڵ گروپە چەکدارەکانی سەر بە تورکیا، توانیویانە پێشڕەوی بکەن و دەست بەسەر چەندین ناوچە لەدەوروبەری حەلەبدا بگرن.
ئاماژە بۆ ئەوەشکراوە، جگە لە دەستگرتن بەسەر چەندین ناوچەدا، توانیویانە کۆنترۆڵی وێستگەی ئاوی ( باپیری) بکەن کە سەرچاوەیەکی گرنگی دابینکردنی ئاوی خواردنەوەیە بۆ حەلەب.
روانگەی سوریی باسی لەوەشکردووە، هەسەدە دەستی بەسەر شارۆچکەی خەفسەدا گرتوەو لە هەوڵیشدان بۆ کۆنترۆڵکردنی فڕۆکەخانەی کوێرسی سەربازی و پاککردنەوەی حەوت گوند لە دەوروبەری پارێزگای دێرەزور کە لەژێر دەسەڵاتی گروپەکانی سەر بەرژێمی سوریادا بوون لەوانە گوندەکانی ساڵحییە و تابیە وخشام و مەرات و موزڵوم و حسێنیە.