مامۆستا مەلا محەمەدی شەڵماشی زانای ئایینی و نووسەر و وەرگێڕی ناوداری کورد کۆچی دواییکرد

مامۆستا مەلا محەمەدی شەڵماشی زانای ئایینی و نووسەر و وەرگێڕی ناوداری کورد، کۆچی دوایی کرد.

مەلا محەمەدی شەڵماشی وەرگێڕی ڕۆمانی (بێسەرپەرشتان و بێنەوایان)ـەو خاوەن قەڵەمێكی بەبڕشت و دەیان كتێبی ئایینی و مێژوویی و ئەدەبییە، كەسایەتییەكی دیار و ڕێزلێگیراوی ناو مامۆستایانی ئایینییە.

مەلا محەممەدی شەڵماشی لە رێگەی وەرگێڕانی کتێبە بەنێوبانگەکەی ڤیکتۆر هیگۆ بەناوی بێ نەوایان وەکو وەرگێڕێک ناوبانگی دەرکرد، هەروەها پەیوەندییەکی پتەوی لەگەڵ نووسەران و شاعیران بەتایبەتیش مامۆستا هێمن و هەژاردا هەبووە.

مەلا محەمەدی شەڵماشی خەڵكی شاری سەردەشتی ڕۆژهەڵاتی كوردستانە و ساڵی ۱۹۳۷ لە گوندی شەڵماشی ڕۆژهەڵاتی کوردستان لەدایکبووە. لە ساڵانی شەستەكانەوە هاتووەتە شاری سلێمانی و  برای شەهید مەلا ئاوارەیە.

مامۆستا شه‌ڵماشی لە دەگمەنترینی ئەو مەلایانەی کوردستانە، کە هاوشانی نووسین لە زانستە ئیسلامییەکاندا، لە چەندین بواری جیاوازی دیکەدا رۆڵ و کاریگەریی هەبووە، لەوانە: وەرگێڕان، رۆمان، فەرهەنگ و کەلەپوور.

مەلا محەمەدی شەڵماشی دۆستێکی دێرینی سەرۆک مام جەلال بوو، لە چاوپێکەوتنێکیدا دەڵێت: لە نێو میللەتاندا 100 ساڵ جارێک  پیاوێکی گەورە ھەڵدەکەوێت، لە نێو میللەتی کورددا مام جەلال ئەو پیاوە بوو.