وەزراەتی ناوخۆی عیراق: هیچ تیرۆرستێکمان دەستگیر نەکردووە لە زیندانەکانی سووریا هەڵهاتبێت

وەزارەتی ناوخۆی عێراق رایگەیاند ئەوەی لە سۆشیال میدیا بڵاوكراوەتەوە گوایە هێزە ئەمنییەكانی عێراق كەسێكیان دەستگیر كردووە، كە لە زیندانەكانی سوریا هەڵاتووەو تیـرۆریستە، راست نـــییە و شتی وا ڕووینەداوە.
وەزارەتەكە ئەمشەو راگەیاندراوێكی بڵاوكردەوەو دەڵێت، بەشی بەرەنگاربوونەوەی پڕوپاگەندەكان ئەو هەواڵانە رەتدەكاتەوە كە لە هەندێك پەیجی سۆشیال میدیا بڵاوكراوەتەوە، كە گوایە هێزە ئەمنییەكان هەڵیانكوتاوەتە سەر ماڵێك و لەوێدا “تیـرۆریستێک” کە لە زیندانەکانی سوریا هەڵاتووە و لە عێراق دەستگیر كراوە.
ئاماژە بەوەشدەكەن، دەزگای ئاسایشی نیشتمانیی عێراق دووپاتیدەكاتەوە، كۆمەڵێك تیـرۆریست ماوەیەك لە ژێر چاودێریی ئەواندان و ئەوە نییە كە لە دەرەوەی عێراق و لە سوریاوە هاتبن.
بەشی بەرەنگاربوونەوەی پڕوپاگەندەكان لە وەزارەتی ناوخۆی عێراق داواش لە میدیاكان دەكات، پابەندی وردبینی بن لە بڵاوكردنەوەی هەواڵەكان، هەروەها پشت بە سەرچاوە رەسمییەکان ببەستن بۆ وەرگرتنی زانیاری و خۆیان لە پڕوپاگەندەكان بەدوور بگرن.