لە رووداوێکی هاتوچۆدا دوو منداڵ گیانیان لەدەستدا

رووداوێكی هاتووچۆ لەسەر ڕێگای كەلار - باوەنوور حەوت قوربانی لێكەوتەوە
پاش ئێوارەی ئەمڕۆ (چوارشەممە) لەسەر ڕێگای کەلار ناحیەی باوەنور، ئۆتۆمبێلێکی جۆری کۆرۆلا کۆنترۆڵ لەدەستدەدات خۆی بەستونێکی ڕووناکیدا دەکێشێت بەهۆیەوە پێنج منداڵ و دوو ژن برینداربوون، دوو منداڵ لەبریندارەكان پاش گەیاندنیان بەنەخۆشخانە بەهۆی سەختی برینەكانیانەوە گیانیان لەدەستدا
بەڕێوەبەرایەتیی هاتووچۆی گەرمیان بڵاویکردەوە: ئەودوو منداڵەی گیانیان لەدەستداوە تەمەنیان شەش ساڵ و هەشت ساڵە، لە لایەن تیمی هاتووچۆوە لێکۆڵینەوە لەڕووداوەکە دەستیپێکردوە بەمەبەستی زانینی هۆکار وچۆنیەتی ڕووداوەکە."