وەفدەکەی (دەم پارتی) سەردانی ئیمراڵی کرد و چاویان بە ئۆجەلان کەوت

دوای زیاتر لە 10 ساڵ یەکەم وەفدی سیاسیی بە رەسمیی سەردانی عەبدوڵا ئۆجەلان، رێبەری زیندانییکراوی پەکەکەیان کرد لە گرتووخانەی ئیمراڵی .

 وەفدێکی دەم پارتی کە لە هەریەک لە پەروین بوڵدان و سری سورەییا ئۆندەر پەرلەمانتارانی پارتەکە پێکهاتبوو، سەردانی دوورگەی ئیمراڵییان کرد و لەگەڵ عەبدوڵا ئۆجەلان کۆبوونەوە.

دەم پارتی رایگەیاند، وەفدەکەیان لە سەردانی عەبدوڵا ئۆجەلان لە زیندانی ئیمڕاڵی گەڕاونەتەوە و چەند سەعاتێکی دیکە راگەیەندراوێک لەو بارەیەوە بڵاودەکەنەوە.

پارتی یەکسانی و دیموکراتی گەلان لە راگەیەندراوێکدا بڵاویکردەوە، وەفدەکەیان کە لە پەروین بوڵدان و سیری سورەیا پێکهاتبوون لە زیندانی ئیمراڵی سەردانی عەبدوڵا ئۆجەلانیان کرد.

لە راگەیەندراوەکە ئاماژە بەوەشکراوە، وەفدەکە کۆتاییان بە سەردانەکەیان هێناوە و چەند سەعاتێکی دیکە راگەیەندراوێک لەبارەی دیداری ئۆجەڵان بڵاودەکەنەوە.

رۆژی هەینی، 28ـی کانوونی یەکەمی 2024، وەزارەتی دادی تورکیا رێگەی بە وەفدی دەم پارتی دا لە زیندانی ئیمراڵی سەردانی عەبدوڵا ئۆجەلان بکەن.