باڵیۆزی بەریتانیا لە عیراق: بەشداری هێرشەکانمان نەکردووە و نایکەین

لە بەردەوامی جەنگی نێوان ئیسرائیل و ئێران و پەرەسەندنی گۆڕانکارییە ئەمنییەکان، باڵیۆزی بەریتانیا لە عیراق رایدەگەیەنێت:" باوەڕمان بە چارەسەری دیپلۆماسی هەیە و بەشداری لە هێرشەکاندا ناکەين"
عیرفان سدیق باڵیۆزی بەریتانیا لە عیراق، پاڵپشتی وڵاتەکەی بۆ  سەقامگیری عیراق دووپاتکردەوە و رایگەیاند:" پشتگیری لە عیراق و سەقامگیری ئەو وڵاتە دەکەین".
پەیوەست بە هەڵوێستی وڵاتەکەشی، باڵیۆزی بەریتانیا رایگەیاند:" هەڵوێستی ئێمە ئەوەیە کە دژی پەرەسەندنی زیاتری گرژییەکانین، کار بۆ چارەسەری ئاشتیانەی کێشەکان دەکەین بەرێگای دیپلۆماسی".
ئاماژەی بەوەشکرد" بەشداریمان لە هێرشەکان نەکردووە و هیچ نیازێکمان نیە بەشداری تێدا بکەین و ئەنجومەنی گشتی باوەڕی بە چارەسەری سەربازی نییە".