راوێژکارێكی سودانی: به‌ ئه‌گه‌ری زۆره‌وه‌ هەفتەی داهاتوو مووچە رەوانەی هەرێم دەکرێت

به‌ وته‌ی راوێژكارێكی محه‌مه‌د شیاع سودانی سه‌رۆك وه‌زیرانی عێراق، به‌ ئه‌گه‌رێكی زۆره‌وه‌ هه‌فته‌ی داهاتوو به‌غدا پاره‌ی مووچه‌ی مووچه‌خۆرانی هه‌رێم ره‌وانه‌ده‌كات.

عائید هیلالی، راوێژکاری سه‌رۆك وه‌زیرانی عێراق لە لێدوانێکی رۆژنامه‌وانیدا رایگەیاند:" بە ئەگەری زۆرەوە لە هەفتەی داهاتووەوە مووچەیەک رەوانەی هەرێم دەکرێت و هەفتەی داهاتووتریش مووچەی دووەم دەگات."

 باسی له‌وه‌شكرد كه‌:" سەرۆک وەزیرانی عێراق ماوەیەکی زۆرە دەیەوێت هه‌وڵی پڕكردنه‌وه‌ی كه‌لێنی نێوان هەرێم و بەغدا ده‌دات"
ئه‌و راوێژكاره‌ی سودانی به‌پێویستیشده‌زانێت :" هەردوو حكومه‌تی هه‌رێم و به‌غدا سازش بکەن بۆ گەیشتن بە چارەسەر و دوای رێککەوتنەکەی نێوانیان، ئەو چارەسەرەش نزیکە."

ته‌ئكدیشیكرده‌وه‌ كه‌: "بە ئەگەری زۆرەوە لە ماوەی دوو هەفتەدا مووچە رەوانەی هەرێم بکرێت".