سەعدی ئەحمەد پیرە ئەندامی مەکتەبی سیاسی سەردانی حەمەدەمین ئاغای کرد لە شاری هەولێر

بەمەبەستی لە نزیکەوە ئاگاداربوون لە رەوشی تەندروستی بەڕێزیان، هەڤال سەعدی ئەحمەد پیرە ئەندامی مەکتەبی سیاسی یەکێتی نیشتمانی كوردستان لە شاری هەولێر سەردانی بەڕێز حەمەدەمین ئاغای کرد.لەلایەن بەڕێزان فارووق جەمیل و د. مجید حەمەدەمین و خزمان و دۆستانەوە لە دیوەخانی تایبەتی خزمانی دەشتی شەمامک بەگەرمی پێشوازیکرا

لەو سەردانەدا هەڤاڵ سەعدی ئەحمەد پیرە هیوای زوو چاکبوونەوە و باشتربوونی رەوشی تەندروستی حەمەدەمین ئاغای خواست، هاوکات تیشکی خستە سەر رۆڵ و کەسایەتی بەڕێزیان و پێگەی ناوبراو لە نێو کۆمەڵانی خەڵکی شاری هەولێر بەگشتی و جووتیارانی دەشتی شەمامک و بەرانەتی بەتایبەتی.

هاوکات رۆڵێکی گرنگیان بینیووە لە پشتیوانی کردنی شۆڕشەکانی گەلەکەمان بەتایبەتیش شۆڕشی نوێ بەڕابەرایەتی یەکێتی نیشتمانی كوردستان ، باوکی شەهیدی فەرماندە (هاشم شەمامکی) یە، بەو هۆیەشەوە چەندین جار تووشی گرتن و دەربەدەری ئاوارەیی بووە.