مستەفا كازمی سەرۆك وەزیرانی عێراق سەردانی خانەوادەی نبراس فەرمان ئەو ئەفسەرە كوردەی كرد كە لەچەند رۆژی رابردوودا لەبەغدا تیرۆركرا .
بەپێی بەیاننامەیەكی نوسینگەی سەرۆك وەزیران، كازمی سەرەخۆشی خۆی بەخانەوادەی ئەو ئەفسەرە راگەیاندووە .
عەقید نبراس فەرمان شعبان فەیلی، كە بەرێوەبەری بەشی چاودێری دارایی بوو لە ئاژانسی هەواڵگریی عێراقی، حەوتی ئەم مانگە لە ناوچەی بەلەدیاتی بەغدا تیرۆركراوە .
عەقید نبراس لەناو ئۆتۆمبێلەكەی خۆیدا كوژراوە، دوای ئەوەی چەكدارانی نەناسراو هێرشیان كردووەتەسەر و ئاسەواری چەند گوللەیەك بە بەشی سەرەوەی جەستەیەوە بووە .
كازمی لە وتەیەكدا وێڕای سەرەخۆشی و بەرز راگرتنی رۆڵی ئەو شەهیدە، رایگەیاند عەقید نبراس و هاورێیانی وەك بەربەستێكی بەتین بۆ پشتیوانی گەل دەمێننەوە.
Copyright © 2020 Kirkuk Tv All Rights Reserved Designed And Developed By AVESTA GROUP