ته‌ندروستیی هه‌رێم هاوكاری بریندارانی نه‌خۆشخانه‌ی حسێن ده‌كات

وه‌زاره‌تی ته‌ندروستی حكومه‌تی هه‌رێمی كوردستان ره‌زامه‌ندی نیشاندا كه‌ هاوكاری برینداره‌كانی نه‌خۆشخانه‌ی زیقار بكات، كه‌ له‌رووداوێكی ئاگركه‌وتنه‌وه‌دا سوتان.

بۆ هاوكاریكردن و به‌هاناوه‌هاتنی رووداوی سوتانی نه‌خۆشخانه‌ی (حسین) له‌ شاری زیقار و سوتان و گیان له‌ده‌ستدانی ژماره‌یه‌كی زۆری نه‌خۆش و هاووڵاتیان، د. سامان به‌رزنجی وه‌زیری ته‌ندروستی حكومه‌تی هه‌رێمی كوردستان له‌په‌یوه‌ندییه‌كی ته‌له‌فۆنیدا له‌گه‌ڵ  وه‌زاره‌تی ته‌ندروستی عیراقی فیدراڵ و پارێزگاری زیقار و به‌ڕێوه‌به‌ری گشتی ته‌ندروستی زیقار، ئاماده‌یی حكومه‌تی هه‌رێمی كوردستانی ده‌ربڕی بۆ فریاگوزاری و ناردنی هه‌ر پێداویستیه‌كی پزیشكی و پێشوازیكردنی برینداران و نه‌خۆشان بۆ نه‌خۆشخانه‌كانی هه‌رێم و هاوكاریكردنیان.


  راگه‌یاندنی وه‌زاره‌تی ته‌ندروستی