به‌هۆی نه‌مانی ئۆكسجین هێرش كرایه‌ سه‌ر نه‌خۆشخانه‌یه‌ك له‌ به‌غدا

ژماره‌یه‌كی زۆر له‌ کەسوکاری توشبوتنی کۆرۆنا لە شاری بەغدا بە چەک هێرشیان کردە سەر نەخۆشخانەی کندی، ئەوەش بەهۆی نەمانی ئۆکسجین لە نەخۆشخانەکە و زیانی زۆرشیان پێگەیاند.

به‌پێی میدیاکانی عێراق، بەهۆی نەمانی ئۆکسجین چوار توشبوی ڤایرۆسی کۆرۆنا لە نەخۆشخانەی کندی، لە شاری بەغدا مردون، کەسوکاری نەخۆشه‌كانش وەک ناڕەزایەتییەک بە چەک هێرشیان کردوەتە سەر نەخۆشخانەکە و کارمەندەکانی نەخۆشخانەکە و گرژیی دروستبوە".

 
له‌ راگه‌یه‌ندراوێكشدا، بەڕێوەبەرایەتی گشتیی پۆلیسی عێراق،رایگه‌یاندوه‌، 10 کەس لەوانەی هێرشیانکردوەتە سەر نەخۆشخانەکە دەستگیرکراون.