به‌غدا ئه‌م مانگه‌ش 200 ملیاره‌كه‌ بۆ هه‌رێم ده‌نێرێت

ئه‌نجومه‌نی وه‌زیرانی عێراق، بڕیاریداوه‌ بۆ ئه‌م مانگه‌ش 200 ملیاره‌كه‌ بۆ هه‌رێم بنێرێت.

له‌و باره‌یه‌وه‌ فارس عیسا لێپرسراوی نوێنه‌رایه‌تی حكومه‌تی هه‌رێمی كوردستان له‌ به‌غدا  رایگه‌یاند: ئه‌نجومه‌نی وه‌زیرانی عێراق بڕیاریداوه‌ بۆ ئه‌م مانگه‌ش بڕی 200 ملیاره‌كه‌ بۆ هه‌رێم بنێرێت و چاوه‌ڕوان ده‌كرێت له‌ماوه‌یه‌كی نزیكدا فه‌رمانی خه‌رجكردنی ئه‌و پاره‌یه‌ له‌لایه‌ن وه‌زاره‌تی داراییه‌وه‌ بدرێت و ته‌نها چه‌ند رێكارێكی یاسایی ماوه‌.

وتیشی: بڕیاروایه‌ تا كۆتایی ئه‌مساڵ ناردنی ئه‌و بڕه‌ پاره‌یه‌ له‌لایه‌ن حكومه‌تی عیراقه‌وه‌ بۆ حكومه‌تی هه‌رێم به‌رده‌وام بێت و مانگانه‌ بڕی 200 ملیار دینار بدرێته‌ هه‌رێم.