سەرۆكی ویلایەتە یەكگرتووەكانی ئەمریكا ڕایگەیاند: تالیبان كاتێك دەتوانێت بچێتە ناو شاری كابولەوە كە سەرجەم كارمەندانی باڵوێزخانەی ئەمریكا شوێنی خۆیان بەجێبهێڵن.
جۆبایدن سەرۆكی ویلایەتە یەكگرتووەكانی ئەمریكا وێرای بەرگریكردن لەبڕیاری كێشانەوەی هێزەكانی ئەمریكا لە ئەفغانستان ڕایگەیاند: هەتا سەرجەم كارمەندانی باڵوێزخانەی ئەمریكا شاری كابوڵ چۆڵنەكەن هیچ هێزێكی تالیبان بۆی نییە بچێتە ناو شاری كابولەوە.
بڕیارە لە زووترین كاتدا سەرجەم كارمەندان و دیپلۆماتكارانی ئەمریكی خاكی ئەفغانستان چۆڵ بكەن و لەئێستا فڕۆكەی ئەمریكی بەسەر ئاسمانی باڵوێزخانەی ئەمریكا لە كابول دەسوورێتەوە و ئەمریكا هێزێكی تایبەتی ناردووە بۆ پاراستنی دیپلۆمات و كارمەندانی باڵوێزخانەی خۆی.
هەرچەند دەوترێت كە هێزەكانی تالیبان چوونەتە ناو شاری كابولەوە، بەڵام حكومەتی ئەفغانستان ڕایگەیاندووە كە دۆخی شارەكەیان كۆنترۆڵ كردووە و هاوكاتیش تالیبان ڕایگەیاندووە كە زۆر ئەوان ناچنەوە ناو شارەكەوە.
ئەشرەف غەنی سەرۆك كۆماری ئەفغانستان ڕایگەیاندووە كە ئەوان بەرپرسن لە دابینكردنی ئاشایش و ئارامی شارەكە و بە باشترین شێوە ئەركەكانی خۆیان ڕادەپەڕێن.
لەلایەكی ترەوە سەرۆك ئەفغانستان لەگەڵ زالمای خەلیل نێردراوی تایبەتی ئەمریكا بۆ كاروباری ئاشتی لە ئەفغانستان و نوێنەری ناتۆ كۆبۆتەوە.
بەیانی ئەمڕۆ تالیبان ڕایگەیاد كە شاری جەلال ئابادیان كۆنترۆڵكردووە و دەستیان بەسەر ویلایەتی دایكەندیدا گرتووە و ویلایەتی بامیان لەكۆنترۆڵی خۆیاندایە.
Copyright © 2020 Kirkuk Tv All Rights Reserved Designed And Developed By AVESTA GROUP