تائێستا زیاتر له ملیۆنێك ژه‌مه ڤاكسین گه‌یشتووه‌ته هه‌رێمی كوردستان
له‌و روه‌وه فه‌رمانگه‌ی میدیا و زانیاری حكومه‌تی هه‌رێمی كوردستان رایگه‌یاند به‌پێی ئاماره‌كانی وه‌زاره‌تی ته‌ندروستی، تا ئێستا ملیۆنێك و ١٦٤ هه‌زار و ١٨٠ ژه‌مه ڤاكسین گه‌یشتووه‌ته هه‌رێمی كوردستان كه پێكهاتووه له ڤاكسینی فایزه‌ر و ئه‌سترازینیكا و ساینوفارم و له‌م بڕه‌ش ٩٥ هه‌زار ژه‌مه ڤاكسینی ئه‌سترازینیكا له‌لایه‌ن حكومه‌تی ئوردنه‌وه به هه‌رێمی كوردستان به‌خشراوه.
به‌پێی راگه‌یه‌ندراوه‌كه، تا ئێستا له هه‌رێم ٥٨١ هه‌زار و ٥٦ كه‌س ڤاكسینیان وه‌رگرتووه له كۆی گشتی ئه‌م رێژه‌یه‌یش ٣٩٥ هه‌زار و ٤٢٧ كه‌س ژه‌می یه‌كه‌م و ١٨٤ هه‌زار و ٦٢٩ كه‌سیش ژه‌مه ڤاكسینی دووه‌میان وه‌رگرتووه. رۆژانه‌ش ١٠ هه‌زار ژه‌می ڤاكسین له هاووڵاتیان ده‌درێت.
Copyright © 2020 Kirkuk Tv All Rights Reserved Designed And Developed By AVESTA GROUP