كۆمسیۆنی باڵای سەربەخۆی هەڵبژاردنەكان، رایگەیاند: لەدوای سێ رۆژ لەكۆتایهاتنی پرۆسەی دەنگدان كارتەكانی هەڵبژاردن لەكاردەخرێن و تائێستاش له 70%ی دەنگدەران كارتەكانیان وه‌رگرتوه‌ته‌وه.
نیبراس ئەبو سۆدە، یاریدەری وتەبێژی كۆمسیۆنی باڵای سەربەخۆی هەڵبژاردنەكان رایگەیاند: تا ئێستا دیار نییە ژمارەی چاودێری هەڵبژاردنەكان چەندە، ئەو ژمارەیە پێش بەڕێوەچوونی هەڵبژاردنەكان دیاری دەدات، ئاماژەی بەوەشدا 70%ی كاتی دەنگدەران وەرگیراونەتەوەو تا كردنەوەی ناوەندەكانی دەنگدان و دەستپێكردنی پرۆسەی هەڵبژاردن كە دەكاتە 10ی تشرینی یەكەمی 2021 ژمارەكە رووی لەهەڵكشانە.
راشیگەیاند: هەرچی دەستدرێژییەك بكرێتە سەر سەر هەڵمەتی بانگەشەی هەڵبژاردنەكان و كاری ناوزڕاندن و بەكارهێنانی هەژموون یاخود ساختەكاری بەپێی یاسای ژمارەی (9)ی هەڵبژاردنەكان بەتاوان دێتە ئەژماركردن، ئاماژەشیدا لەكاتی تۆماركردنی سكاڵا یاخود راپۆرتی چاودێری لەبارەی پێشێلكارییەكان، كۆمسیۆن رێكاری یاسایی لەبەرامبەریان دەگرێتەبەر.
جەختیشی كردەوە دوای 3 رۆژ لەكۆتایی هاتنی دەنگدان، سەرجەم كارتەكانی دەنگدان لەكاردەخرێن.
Copyright © 2020 Kirkuk Tv All Rights Reserved Designed And Developed By AVESTA GROUP