بەغدا ... کۆنگرەی گێڕانەوەی پارە بەتاڵانبراوەکان ده‌ستیپێكرد

كۆنگره‌ی نێوده‌وڵه‌تیی گێڕانه‌وه‌ی پاره‌ به‌تاڵانبراوه‌كانی‌ عێراق، كه‌ دوو ڕۆژ ده‌خایه‌نێت، به‌ به‌شداری كۆمه‌ڵه‌ی وڵاتانی عه‌ره‌بی و چه‌ندین وڵات له‌ شاری‌ به‌غدا ده‌ستی‌ به‌ كاره‌كانی كرد.

 كۆنگره‌ی نێوده‌وڵه‌تیی گێڕانه‌وه‌ی پاره‌ به‌تاڵانبراوه‌كانی عێراق به‌ چاودێری‌ مسته‌فا كازمی‌ سه‌رۆك وه‌زیرانی‌ عێراق و به‌شداری‌ ئه‌حمه‌د ئه‌بولغه‌یت سه‌رۆكی‌ كۆمه‌ڵه‌ی وڵاتانی عه‌ره‌بی‌ و ژماره‌یه‌ك له‌ وه‌زیرانی‌ داد و سه‌رۆكانی‌ ئه‌نجومه‌نی‌ دادگا و دامه‌زراوه‌كانی‌ چاودێری‌ و نوێنه‌رانی‌ رێكخراو و كۆمه‌ڵه‌كان و كه‌سایه‌تییه‌ یاسایی و ئه‌كادیمییه‌كانی‌ په‌یوه‌ندیدار به‌ رووبه‌ڕووبوونه‌وه‌ی‌ گه‌نده‌ڵی‌ ده‌ستی‌ پێكرد.

به‌پێی كارنامه‌كه‌ی، له‌ كۆنگره‌كه‌دا پرسی گێڕانه‌وه‌ی پاره‌ به‌قاچاخبراوه‌كان ‌و دۆزینه‌وه‌ی ڕێگه‌ی گونجاو بۆ ئاسانكردنی پرۆسه‌ی گێڕانه‌وه‌یان‌ و ڕێگریكردن له‌بونی ژینگه‌ و په‌ناگه‌ی ئارام بۆ حه‌شاردانی ئه‌و پارانه‌ گفتوگۆیان له‌باره‌وه‌ بكرێت.

عێراق خوازیاره‌ له‌ڕێی‌ كۆنگره‌كه‌وه‌ چاره‌سه‌ری‌ پێویست بۆ پرسی‌ گێڕانه‌وه‌ی‌ پاره‌ به‌تاڵانبراوه‌كانی‌ بدۆزێته‌وه‌ و رێگای‌ گونجاو بۆ گێڕانه‌وه‌یان دابنێت.