مەكتەبی سیاسی ی.ن.ك ئیدانەی بۆردومانی فرۆكەكانی توركیا بۆ سنوری قەرەهەنجیر دەكات

مەکتەبی سیاسی یەکێتیی نیشتمانیی کوردستان ئیدانەی بۆردوومانی فرۆکەکانی سوپای تورکیا بۆ سنوری قەرەهەنجیر لە نزیک شاری کەرکوک دەکات کە قوربانی و زیانی لێکەوتۆتەوە ئەم  سنور بەزاندنە پێشهاتێکی خراپە کە ناوجەرگەو قوڵایی کوردستان و عیراقی گرتۆتەوە ، بۆیە داوای دەست بەجێ راگرتنی  دەکەین  چونکە هیچ پاساوێک نابێت ببێتە ھۆی سنوربەزاندن و زیان گەیاندن بە خەڵکی بێتاوان .
بەو بۆنەیەوە داوا لە حکومەتی ئیتحادی  دەکەین کە ئەرکی دەستوری و نیشتمانی خۆی لەداکۆکی کردن لە خاکی عیراق بە کوردستانیشەوە راپەڕێنێ و لە رێگەی کەناڵە دیبلۆماسیەکانەوە حکومەتی تورکیا لەم پێشێلکارییە ئاگاداربکاتەوە
مەکتەبی سیاسیی یەکێتیی نیشتمانیی کوردستان
٨-١٠-٢٠٢١