كۆمسیۆنی ھه‌ڵبژاردنه‌كان دوا واده‌ی تانه‌دانی له‌ ئه‌نجامی هه‌ڵبژاردن دیاریكرد

كۆمسیۆنی باڵای ھه‌ڵبژاردنه‌كانی عیراق رایگه‌یاند، رۆژی سێشه‌ممه‌ تانه‌دان له‌ ئه‌نجامی ھه‌ڵبژاردنی ئه‌نجومه‌نی نوێنه‌ران كۆتایی دێت.

كۆمسیۆنی ھه‌ڵبژاردنه‌كانی عیراق رایگه‌یاند، بێلایه‌نانه‌ مامه‌ڵه‌ له‌گه‌ڵ تانه‌كان ده‌كه‌ن و زۆربه‌یان ھیچ كاریگه‌رییه‌كیان له‌سه‌ر ئه‌نجامه‌كان نابێت، جه‌ختیشیكرده‌وه‌، ده‌نگه‌كان به‌ ده‌ست، به‌وپه‌ڕ‌ی شه‌فافیه‌ت ھه‌ژمار كراونه‌ته‌وه‌، بڕ‌یاریشه‌ رۆژی سێشه‌ممه‌ كۆتا واده‌ی پێشكه‌شكردنی تانه‌كان بێت له‌سه‌ر ئه‌نجامه‌كان.

 كۆمسیۆن له‌ 95% ی ژماردنه‌وه‌ی ده‌نگه‌كانی به‌ ده‌ست ته‌واو كردووه‌ و راشیگه‌یاند، كۆی گشتی سكاڵاكان گه‌یشتوونه‌ته‌ 356 سكاڵا.