دژی ئه‌نجامی هه‌ڵبژاردن رێگای سه‌ره‌كی كه‌ركوك- به‌غدا داخرا

بۆ ناره‌زایی ده‌ربڕین وخۆپیشاندان دژی ئه‌ندامی په‌سه‌ندنه‌كراوی هه‌ڵبژرادن، لایه‌نه‌كانی نزیك له‌ حه‌شدی شه‌عبی و ئه‌و لایه‌نانه‌ی كه‌ كورسی كه‌میان به‌ده‌ستهێناوه‌، رێگای سه‌ره‌كی كه‌ركوك- به‌غدایان داخست.  

ئه‌مڕۆ 18-10-2021 لایه‌نگرانی ئه‌و لایه‌نانه‌ی كه‌ له‌ هه‌ڵبژاردن بۆ ئه‌نجومه‌نی نوێنه‌رانی عێراق، كورسی كه‌میان به‌ده‌ستهێناوه‌، هه‌روه‌ها له‌گه‌ڵ ناڕه‌زایه‌تیه‌كانی شاره‌كانی دیكه‌ی عیراق له‌ ناحیه‌ی تازه‌ و له‌سه‌ر رێگای كه‌ركوك - به‌غدا خۆپیشاندان و ناڕه‌زایه‌تی ده‌ستیپێكرد وه‌ك یه‌كه‌م هه‌نگاویش خۆپیشانده‌ران رێگای سه‌ره‌كی نێوان كه‌ركوك و به‌غدایان داخست و ده‌ستیان به‌ سووتاندنی تایه‌ كرد له‌سه‌ر شه‌قامه‌كان.