داهاتی نه‌وتی فرۆشراوی مانگی رابردووی عیراق زیاتر له‌ 7 ملیار دۆلار بوه‌

ئابوری
15:35 - 2021-12-01

به‌پێی راپۆرتێكی وه‌زاره‌تی نه‌وت، له‌ مانگی تشرینی دووه‌مدا، ملیۆن و 192 هه‌زار و 317 به‌رمیل نه‌وت هه‌نارده‌كراوه‌ و داهاته‌كه‌شی حه‌وت ملیار و 590 ملیۆن دۆلار بووه‌.  

ڕوونیكردووه‌ته‌وه‌ "ئه‌و نه‌وته‌ی له‌ كێڵگه‌ نه‌وتییه‌كانی ناوه‌ڕاست و باشوری عێراق هه‌نارده‌كراوه‌ بریتیه‌ له‌ 95 ملیۆن و 860 هه‌زار و 149 به‌رمیل، هه‌روه‌ها دوو ملیۆن و 32 هه‌زارو و 685 به‌رمیلیش له‌ كێڵگه‌ نه‌وتییه‌كانی كه‌ركوك له‌ڕێگه‌ی به‌نده‌ری جه‌یهانه‌وه‌ هه‌نارده‌كراوه‌."  

باسی له‌وه‌شكردووه‌ كه‌ "تێكڕای بڕی هه‌نارده‌كراوی ڕۆژانه‌ بریتی بووه‌ له‌ سێ ملیۆن و 273 هه‌زار به‌رمیل، هه‌ر به‌رمیلێكیش به‌ 77 دۆلار و 33 سه‌نت فرۆشراوه‌."



بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP