كۆسرەت رەسول عەلی سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان بەبۆنەی کۆچی دوای مامۆستا موحسن عەلی ئەکبەرەوە هاوخەمی خۆی دەردەبڕێت.
كۆسرەت رەسول هاوخەمی بۆ كۆچی دوایی مامۆستا موحسین عەلی ئەكبەر دەردەبڕێت
بەڕێزان: خانەوادەو كەسوكاری مامۆستا موحسین عەلی ئەكبەر
بەداخێكی زۆرەوە هەواڵی كۆچی دوایی تێكۆشەرو كەسایەتی دیار، پێشمەرگەی دێرین و لێپرسراوی پێشووی مەڵبەندی خانەقین و كەسایەتی دیاری كۆمەڵایەتی گەرمیان مامۆستا موحسین عەلی ئەكبەرم بیست، دڵگران و خەمباری كردم، هاوبەشی خەمتانم.
بۆ ئەم خەمە قووڵەو لەدەستدانی تێكۆشەرێكی گەورەی وەك مامۆستا موحسین پرسەو سەرەخۆشی و هاوخەمی خۆم ئاراستەی سەرجەم هاوڕێ و هەڤاڵان و هاوسەنگەران و كەسوكاری دەكەم، هیواخوازم ئەمە دواكۆست و ناخۆشیتان بێت، خوای گەورە سەبووری هەموو لایەك بدات و كۆچكردوو جێگای بەهەشتی بەرین بێت.
كۆسرەت رەسول عەلی
سەرۆكی ئەنجومەنی باڵای سیاسی و بەرژەوەندی
یەكێتیی نیشتمانیی كوردستان
Copyright © 2020 Kirkuk Tv All Rights Reserved Designed And Developed By AVESTA GROUP